102_Surah_Takathur.md

Number 102: Surah Takathur

Classification: Makki Rukus: 1 Ayahs: 8 Subject: Duniya aor Aakhrat Related Surahs: 99. Surah Zilzaal, 100. Surah Aadiyaat and 101. Surah Qari'ah

Insaan ki ghaflat ki wajha

1. Insan ko duniya ke asish aor ziyadati ke hars ne ghafil kiya howa hai.
2. Maal / dolat /duniya ki talab / hawas / lalach, insaan ko ghafil kar deti hai apne Rabb se.
3. Yahan tak ke insaan qabar tak aa pochta yani mar jata.
4. Yani ke qabar ki matti se e insan ka hawas mit'ti hai.

Yaqeen ke 3 marahil

1. Ilm-ul-Yaqeen: Woh jis se natija ya andaza lagaya ja sakta ho. Maslan dhuwaan dekha to kaha k aag lagi. Aag asal mein dekhi nai lekin dhuwaan se andaza laga liya.
2. Ain-ul-Yaqeen: Woh jisko apne aankhon se dekha jaye. Maslan aag lagi hai aor dekh li ho apni aankho se.
3. Haq-ul-Yaqeen: Woh jisko khud mehsoos kiya jaye. Maslan aag lagi ho, dekhi bhi ho lekin uske baad bhi 100% sure hony ke liye usme ungli daal kar check bhi kar liya ke waqai asal mein aag hai ya koi video graphic.

Insan ko pata lag jaye ga

1. Insan ko sab pata lag jaye ga.
2. Abhi to insaan ko kash ilm-ul-yaqeen hojaye Aakhrat ke bare mein.
3. Har ek ko Jahannam dikhayi jaye gi.
4. Jab insan ko Jahannam dikhayi jaye gi to usko Ain-ul-yaqeen bhi hojaye ga.
5. Phr poocha jaye ga ke tum ne Allah ki di hui ne'maton ka shukr kese ada kiya?